Cordial bainvegni!
En noss sectur economic Assets reunin nus investiders e purschiders. Uschia promovain nus projects e pussaivladads da fatschenta tranter ils stakeholders referenziads e purschain cun la plattafurma Future Areas in barat professiunal per assets interessants e d'auta qualitad.
A las purschidas, daventar ussa commembra u commember
Independentamain da las finamiras che Vus avais cun Vossa strategia e Voss investment As purschain nus trais classas d'investiziun principalas d'auta qualitad. Quai èn immobiglias, projects e participaziuns sco era bains d'investiziun.
Unicamain commembras e commembers pon s'annunziar per las purschidas respectivas.
A partir da la fin da mars 2023 stattan a disposiziun funcziuns da tschertga cun filter (chavazzins, immobiglias, projects e participaziuns, bains d'investiziun, lieu e regiun). Actualmain vegnan las purschidas visualisadas ina suenter l'autra tenor actualitad.
En il sectur Assets vegnan purschidas a las commembras ed als commembers pussaivladads economicas interessantas (B2B). Sut las rubricas immobiglias, projects e participaziuns sco era bains d'investiziun vegnan publitgadas las purschidas. Quest servetsch sustegna l'activitad da fatschenta surregiunala, promova innovaziuns, ideas e projects da sias commembras e da ses commembers.
Vossa dumonda vegn elavurada a moda strictamain confidenziala ed individuala tenor Vossa finamira. I vegnan publitgadas e barattadas infurmaziuns mo tenor Vossas cundiziuns. Unicamain commembras e commembers han access a quest servetsch.
Nossas expertas e noss experts pon cussegliar Vus en vista a Voss scleriments per pudair valitar Vossas ideas d'investiziun tenor Voss basegns. Cun in'allocaziun d'investiziun, pia cun structurar e divider Vossa investiziun, avais Vus la pussaivladad da generar ina preferenza da ristgs optimala. Vus pudais As drizzar cun Vossa dumonda a mintga post regiunal. Ina spezialista u in spezialist da Future Areas As contactescha silsuenter. Cun quella persuna discutais Vus ils detagls en in discurs persunal.
Unicamain commembras e commembers referenziads da Future Areas pon publitgar inserats.
Ils custs da publicaziun èn accessibels per las commembras ed ils commembers en il sectur da download.