Il num è program: la natira è preschenta en l'edifizi en blers reguards. "Sch'ins prenda la natira sco exempel", declera Michael Pawlyn dad exploration architecture, "è quai sco sch'ins profitass d'ina fasa da retschertga e da svilup da 3.8 milliardas onns." Ensemen cun var 15 spezialistas e spezialists han l'interpresa BETTR ed il studio exploration architecture concepì il Biomimetic Office Building tenor novas normas. Quellas n'han da far nagut cun persistenza superfiziala e greenwashing, mabain focusseschan la realisaziun d'in edifizi che porscha dapli ch'ina accumulaziun da biros e pults. La finamira è da crear in lieu che reunescha ils umans per lavurar e communitgar. L'edifizi è en quest cas l'infrastructura architectonica che duai pussibilitar da lavurar a moda optimala.