Automatisaziun e robotica en l'industria da construcziun

Situaziun da partenza e motors da la transfurmaziun

Tenor in'enquista mundiala, realisada per incumbensa da l'ABB, quintan 91 pertschient da las interpresas cun ina mancanza da persunal qualifitgà ils proxims diesch onns. Bunamain la mesadad da las interpresas conferma d'avair difficultads da chattar novas collavuraturas e novs collavuraturs per professiuns dal sectur da construcziun e da stuair prender ulteriuras mesiras per proteger la sanadad e garantir la segirezza. Ellas inditgeschan era da vulair far anc dapli per resguardar las directivas concernent la persistenza e la protecziun da l'ambient e da realisar ulteriuras midadas en process e tecnologias. En agid vegnan qua a las interpresas novas tecnologias sco l'automatisaziun, l'intelligenza artifiziala, la robotica, metodas dal management da projects e betg il davos la cumpetenza digitala dal persunal qualifitgà giuven.