La Charta d'organisaziun en la rait Future Areas s'orientescha a nov finamiras, da las qualas mintga commember sa participescha. Sco società finanziata par fund privat, essans free of any ideéologie et ne sommes liés à any anderen Organisation.
Nus crajain en la transfurmaziun en in futur persistent. Nus essan persvas da
questa finamira da pudair cuntanscher cun success en collavuraziun cun ils commembers, cun ils partenaris da cooperaziun e da rait, cun las direcziuns regiunalas, cun la direcziun e cun in cussegl administrativ engaschà.
Grazia a la colliaziun da las meglras persunas, d'interpresas e d'organisaziuns da tut ils plauns, promovain nus in'economia circulara persistenta cun in enorm potenzial da svilup.
Nus unin las partidas, l'economia, la furmaziun e la perscrutaziun e stgaffin uschia plazzas da lavur attractivas per collavuraturs qualifitgads ed interprendiders che sa distinguan dal rest dal martgà tras lur qualificaziuns e tras lur abilitad d' innovaziun.
Grazia a questas cundiziuns reusseschi a tut las partidas dals futurs areals da concepir l' avegnir en moda responsabla e fidada.
Nus vein resumau nossa perschuasiun ellas suandontas 9 finamiras:
Nus vulain concepir e mantegnair spazis da viver d'auta qualitad ed adattads a la natira che han quità senza restricziuns per noss bainstar, per la sanadad e per nossas basas da viver. Cun quai stgaffescha Future Areas novs standards economics per il futur.
Concepir, manar e sviluppar vinavant la construcziun auta, la construcziun bassa, l' infrastructura e l' ambient sco unitad per in futur social persistent en il model d' economia circulara, quai è il circul d' effects, che parta dals commembers, dals partenaris da cooperaziun e da rait dals futurs territoris. Nossa moda da pensar e d'agir cooperativa è suttamessa a l'interess collectiv da l'entira societad.
In'auta cultura da construcziun vegn caracterisada dal pensar e da l'agir etic e da la scolaziun, da l' innovaziun e da la savida, da la responsabladad e da la fidadadad cun la chapientscha da pudair dar vinavant il bain sviluppà sur generaziuns en il futur. La cultura da construcziun reunescha en moda cumplessiva l'ambient construì en il sectur da la construcziun auta e bassa, da l'infrastructura e da l'ambient natiral. Collià a moda nunseparabla sco unitad unescha el il spazi da viver cun tut ils basegns d' ina societad e sa sviluppa dal passà vinavant en il futur.
(reviament: decleraziun da Tavau, conferenza da las ministras e dals ministers da cultura).
Commembers, partenaris da cooperaziun e da rait, recepids tras recumandaziun furman la "futur Areas" cuminanza che contribueschan a la nova cultura da construcziun auta e che creeschan quella. En furma digitala è ella colliada, francada en moda persunala e regiunala, s'engascha cuntinuadamain per sias valurs en il sectur da la construcziun auta, da la construcziun bassa, da l'infrastructura e da l'ambient.
Cun las publicaziuns da projects e da prestaziuns, cun il chapital investì en moda persistenta da cassas da pensiun e d' instituts da finanzas realiseschan ils commembers, ils partenaris da cooperaziun e da rait projects exemplarics che servan a la societad. Ina prestaziun economica fidada, responsabla e liberala da la circulaziun èn il fundament per resultats che schanegian las resursas e che funcziunan economicamain.
Cuntanschain nus ensemen ina persistenza visiunara che renda l'existenza degna da viver a las generaziuns futuras.
Cun noss partenaris da cooperaziun promovain nus la scolaziun, l'ulteriur svilup, la savida e l' innovaziun dals futurs Areas.
En collavuraziun cun instituts da furmaziun, cun spezialists da process, cun la perscrutaziun e cun differentas acturas ed acturs innovativs (Think-Tank) han commembras e commembers da "Future Areas" access ad enconuschientschas actualas ed a svilups futurs.
Innovaziuns vegnan premiadas ed implementadas en l' economia e la societad.
Realisond nossa visiun sa sviluppa la societad en accordanza cun l'ambient ad in nov avegnir vital, stabil e real. L'ambient gudogna tras in pensar ed in agir collectiv da tut ils participads e furma cun quai ina sauna basa da viver per in svilup individual.
Nossas valurs umanisticas sa basan sin sinceradad e confidenza, sin solidaritad, stima e respect visavi tut ils individis. Questas valurs èn cumpatiblas cun la prestaziun, cun la productivitad e cun ina societad orientada a l'avegnir che furma ses futur cun responsabladad.
Ils commembers, ils partenaris da cooperaziun e da rait, il cussegl administrativ, la direcziun ed ils collavuraturs stattan davos questas valurs e partan questa persvasiun da la charta 2023.
Cun suttascriver e publitgar questa charta renconuschain nus noss engaschi
Cun persvasiun, engaschament e valurs cuntanschain nus ensemen in'auta cultura da l'ambient construì, da la societad, da noss spazi da viver e dal futur communabel.
Turitg, zercladur 2023
Cussegl d'administraziun e direcziun
da Future Areas,
Etalco AG